Simba Sports Club, maarufu kama Simba SC, ni moja ya klabu kubwa na yenye mafanikio zaidi katika soka la Tanzania na Afrika Mashariki. Klabu hii yenye maskani yake Dar es Salaam, inajivunia kuwa na mashabiki wengi na mafanikio makubwa katika mashindano ya ndani na ya kimataifa. Katika msimu wa 2024/2025, Simba SC imepata saini ya mchezaji mpya, Leonel Ateba, ambaye ni mshambuliaji mwenye kipaji kikubwa kutoka Cameroon.
CV ya Leonel Ateba
- Jina Kamili: Christian Leonel Ateba Mbida
- Tarehe ya Kuzaliwa/Umri: Februari 6, 1999 (Miaka 25)
- Urefu: 1.83 m
- Uraia: Cameroon
- Nafasi: Staika – Mshambuliaji wa Kati
- Wakala wa Mchezaji: R6 International
- Klabu ya Sasa: Simba SC
- Amejiunga: 13 Agosti 2024
- Mkataba unaisha: 30 Juni 2026
- Namba ya Jezi: #24 Leonel Ateba
Historia ya Klabu Kabla ya kujiunga na Simba SC, Leonel Ateba alikuwa akicheza katika klabu ya USM Alger inayoshiriki Ligi Kuu ya Algeria (Ligue Professionnelle 1). Aliungana na klabu hiyo tarehe 31 Januari 2024, ambapo mkataba wake unatarajiwa kumalizika tarehe 30 Juni 2026. Akiwa USM Alger, Leonel alicheza jumla ya mechi 23, akifunga mabao 3 na kutoa pasi za mabao 7 katika mashindano mbalimbali.
Uwezo na Nafasi ya Uchezaji Leonel Ateba anacheza kama mshambuliaji wa kati (Centre-Forward), lakini ana uwezo pia wa kucheza kama winga wa kushoto au wa kulia. Urefu wake wa mita 1.83 unampa faida kubwa katika mipira ya juu, na ana kasi pamoja na uwezo wa kumalizia nafasi (finishing) ambayo inamfanya kuwa tishio kwa mabeki wa timu pinzani.
Safari ya Timu ya Taifa Ateba pia ni mchezaji wa timu ya taifa ya Cameroon, ambapo alifanya debut yake tarehe 21 Novemba 2023. Hadi sasa amecheza mechi moja na timu ya taifa, ingawa bado hajafanikiwa kufunga bao katika ngazi hiyo ya kimataifa.
Hitimisho Leonel Ateba anatarajiwa kuwa mchezaji muhimu kwa Simba SC katika msimu huu wa 2024/2025, ambapo klabu inajiandaa kushiriki katika mashindano ya ndani na ya kimataifa. Mashabiki wa Simba wana matumaini makubwa kwamba ujio wa Ateba utazidi kuimarisha safu ya ushambuliaji ya klabu na kusaidia timu kuendelea kutawala soka la Tanzania.
Kwa habari zaidi na taarifa za kina kuhusu soka na wachezaji, tembelea nectapoto.com ambayo ndiyo inaandika habari hii.
